Sogn og Fjordane Nei til EU takkar for innsatsen!

Sogn og Fjordane Nei til EU er glade for at Stortinget valde å ikkje endre spelereglane i EU-kampen og er overvelda over at eit fleirtal 87 representantar røysta mot framlegget og berre 74 røysta for.

Spørjeundersøkinga som Nei til EU laga i 2005 viste seg å verte ein viktig faktor i debatten rundt grunnlovsendringa, og Sogn og Fjordane Nei til EU sette i gang vårt apparat og gjennomførte ei annonsekampanje for å hindre at grunnlovsendringa skulle verte vedteken.

Vi vil takke alle som bidrog til dette overveldande resultatet. Framfor alt vil vi sjølvsagt takke dei fem stortingsrepresentantane våre for å halde fast på lovnaden dei ga i 2005 og røysta mot grunnlovsendringa. Det er eit sant demokrati verdig.