Årets landsmøte i Nei til EU går av stabelen komande helg. Ved siden av fokus på EUs kriser, vil EØS vera hovudtema. I tillegg står ei rekkje interessante punkt står på dagsorden, mellom anna:

 Arve Bakke, leiaren i Fellesforbundet, gjestar landsmøtet. Tyder dette på varmare samarbeidsklima mellom Fellesforbundet og Nei til EU, og er det i så fall eit tilfeldig blaff eller varig væromslag?

 Knut Arild Hareide, leiaren i Kristeleg Folkeparti, kjem også. Kvifor er samarbeidet med Nei til EU så viktig for KrF? Kva har ja-mannen Hareide å seia til Noregs viktigaste nei-forsamling?

 Merete Furuberg, leiaren i Norsk bonde- og småbrukarlag, helsar landsmøtet. Vil EU-medlemskap framleis vera ei ulukke for norsk landbruk? Kvifor deltek NBS i Alternativer til EØS-prosjektet?

 Heming Olaussen, den lengstsitjande leiaren i Nei til EU, varslar kamp for å få EU ut av Noreg og finne alternativ til EØS-avtalen. I samband med dette blir det lansert ny årbok frå Nei til EU, Alternativer til EØS-avtalen.

 Rolf Groven avdekkar nytt måleri. Groven har ein mangeårig tradisjon for å lage satiriske og provoserande måleri med EU-debatt som tema.
 
For fullstendig program, sakspapir og informasjon, sjå nettsidene her   

eller ta kontakt med oss i Nei til EU

Leiar Heming Olaussen tlf. 901 55 894, e-post heming(at)neitileu.no

Informasjonsrådgjevar Marianne Granheim Trøyflat tlf. 98818871, e-post mariannegt(at)neitileu.no